Baliabideak, eskolak bere helburuak lortzeko jartzen dituen ondareek
osatzen dute. Elementu honekin garatuko da heziketa, oinarrizkoak dira, hauek
gabe hezkuntza ez litzateke posible izango. Eskola batean hiru baliabide mota
bereiz daitezke:
Pertsonalak: Heziketa posible izateko protagonistek osatzen dute. Hemen, ikasleengan
sinesten duen irakaslea (Edu, arte irakaslea zeinek ikasleen sormenean sinesten
duen) eta irakasle taldea (irakasleen parte hartze gabe bi ekintza hauek ez
lirateke egingo), gogotsu dauden ikasleak (ikasteko eta dakitena praktikan
jartzeko nahia dutenak), zuzendaria (proiektua onartzen duena eta irakasleen
proposamenak entzuten dituena) eta gurasoak (haien baimenik gabe bidaia ez
zelako posible izango) aurkitzen ditugu, besteak beste.
Aurreko hauek dira ezagunenak edo azalean daudenak baina baita ere dira
kontutan hartzekoak, zerbitzu sozialetakoak, osasun zerbitzuak… instituzioetako
pertsonalarekin harremana izatea.
Materialak: Espazioa zehazten du. Lehenik eta behin, museoa, bigarrenik, ikasgela eta
barruan aurki ditzakegun altzari, materialak… eta azkenik, Madrilgo aterpetxea,
logelak, zooa, FROM… Espazioa egituratzen dute eta ondorioz, ikas-irakas
ekintzan zein kudeaketa baldintzatuko dute.
Garraioa, bai trena bai autobusa ere elementu honen parte izan daitezke,
espazio horietara mugitzeko erabiltzen direlako.
Funtzionala: Giza- eta material-baliabideak eraginkor bihurtzen dituztenak dira, horiek
funtzionarazten dituztenak. Garrantzitsuenak denbora, dirua eta prestakuntza
dira, baina badira beste batzuk ere (ordutegia, egutegia, lanaldia…). Diruaren
garrantzia azpimarratu behar da, bestela gainontzekoa ez delako posible izango.
Eskola txangoetara joateko familiak (gure ikastolan behintzat), ordaindu
beharra geneukan, adibidez; 5€ trena, museoa ordaintzeko eta etxetik otordua. Beste
alde batetik, prestakuntza izateko ikasketak ordaindu behar dira. Eta azkenik,
denbora diruarekin ordaintzen ez dela esaten bada ere, hori ez da horrela,
irakasle edo monitoreei Madrilen asteburu pasa joatearren ordaindu egiten
diete, museoko pertsonalari,… haien denbora gurekin igarotzearren.
Baliabideek izugarrizko garrantzia dute hezkuntzan, zenbat eta baliabide
hobeak, orduan eta hezkuntza hobea. Baina baliabide guztiek beraien garrantzia
duten arren, diruaz aparte denbora da arreta gehien merezi duena, izan ere,
mugatua da eta hori gabe ikasleek ez dute beharrezkoa bereganatuko.
iruzkinik ez:
Argitaratu iruzkina