HELBURUAK-Espejora Irteera

Testua aztertzerakoan helburuen alderdi honek zertxobait nahastu nau, gauza asko sartu ditzakedalako elementu honen barruan. Hala ere, hautaketa egin eta zenbait gauza helburu lez hartzea erabaki dut.

Nire kontakizuna irteera bat denez, helburu nagusiena ikasleen parte-hartzea sustatzea da, hau da, irteerara goazen kide guztien arteko parte-hartzea edota etortzen ez diren ikasleen ehuneko hori gutxitzea. Istorioa eskolan bertan gertatzen ez denez, harremanak sustatzea ere sar genezake helburu bezala eta nagusiekin (gu baino urte bete zaharragoekin) egiten dugun irteera bat denez, hauengandik eta hauekin ikastea. Baita ikasleek autonomía puntu hori lortzea, etxetik kanpo guraso gabe egotekeran. Eta honekin batera etxeko arau desberdinak onartu behar izan genituen, nagusi baten ardurapean egon eta berak esaten duena egitea, ordutegi desberdina izatea, lo egiteko orduak errespetatzea, janari desberdinak jatea…

Goian aipatutako helburuak ikastetxeko dokumentu instituzionaletan agertu ohi dira. Horrela, Ikastetxearen Hezkuntza Proiektuan adibidez, ikasleen garapen integrala nagusitzen da. Hau da, ikasleen autonomía bultzatzea da helburua edukiak barneratzeaz gain. Honetaz aparte, izaera parte-hartzaile eta aktiboa bultzatuz, inguruneaz harremana sustatzea bilatzenda, baita euskararen erabilera ere, besteak beste. Gainera, helburu hauek lortzeko asmoarekin, ikusi daiteke ikastetxeko urteko planean zenbait jarduera proposatzen direla. Eta nire kasuan irteera aipatu daiteke, non aurrez aipatutako helburuak lortzeko jarduera den, beste helburu batzuen artean. Bestetik, memorian ere gai hau landu daiteke (irteera), memorian urteko planean agertutako helburuak ebaluatzen direlako eta garrantzitsua da urtean zehar egiten diren gauzak baliagarriak diren edo ez jatiea, funtzionatuko duen edo ez jakitea. Urte amaieran, urteko plana, eta gure irteera aztertu dadin. Beraz ondo ateratzen bada hurrengo kurtsoko urteko planean sartu daiteke, eta eraginik izan ez badu, kendu egin daiteke.

Hauek nabariak diren helburuak dira, baina badira argi ikusten ez diren batzuk. Irteeraren helburu zuzena ez bazen ere, irteeran bizitako esperientzia batzuk jarrera sexistaren bat edo beste utzi zuen agerian Adibidez, libre genituen denbora tarte horretan, espazioak, gure kasuan aterpetxeko jolas lekua, pantanoko bedartza… modus existan banatuta egotea. Mutilak futbolean, eta neskak soka salto, goman edo orrazkerak egiten. Horregatik, irteerak sexismo hau gutxitzeko ekintzak planteatzea interesgarria izango litzateke.

Hauez gain, natura errespetatzen ikastea, norberea ez den leku edo inguruak zaintzea, leku desberdinak ezagutzea…