Egitura
barruan, funtzio batzuk atxikitzen zaizkien persona edo zerbitzuak sartzen
direnez, nire kasuan zerbitzu aldetik aterpetxeko jantokia eta bidaiarako
autobusa aipatu ditzaket. Hain zuzen, jantokiko zerbitzariak, bertan
zerbitzatzeaz gain, kanpora joaten ginen egunetan ogitartekoak prestatzen
zizkigutenak dira eta autobuseko gidaria, ikastolak kontrataturikoa.
Beste
egitura aipagarri batzuk, zuzendaritza taldea, irakasleak eta ikasleak izango
lirateke. Egitura hauei
dagokienez, bai zuzendaritza taldeak eta baita irakasleek ere dokumentu
instituzionalen prestaketan parte hartzen dutenez, irteera hau onartu eta
antolatzen dute. Baita irteera nora eta nola egin ere erabakitzen dute. Eta
nola ez, kanpo erakunde honekin harremanetan jartzen dira. Bertako
arduradunarekin harremanetan jarri ondoren, irteera antolatu zuten guztien
artean egonaldia gauzatu ahal izateko. Aldez aurretik, gure bi tutoreak,
jantokiko arduradunarekin eta hemengo langileekin ere jarri ziren kontaktuan,
jakiteko zein egunetan prestatu behar zituzten ogitartekoak (gaztelua ikusten
joan ginen egunean), ikasle batek arazoak zituenez (zeliakoa) hauek jakinaren
gainean egoteko, jan dezakeena edo ez aurretik prestatzeko, etab.
iruzkinik ez:
Argitaratu iruzkina