HELBURUAK (Baratzera irteera)

Helburuak:

Helburuak zehatz mehaz zehaztea ez da horren erreza, izan ere lortu nahi dena eta lortutakoa ezberdina izan daiteke. Istorio hau, eskolako irteera baten zentratzen da eta irteera horretan baserri eta nekazaritza inguruko aterpetxe baten pasatu genituen bi egun eta hiru gau, beraz, esan daiteke, haurrak etxetik atera eta euren autonomia garatzen laguntzeaz gain, gure inguruan horren presente izan dugu baserri eta nekazarien zereginak ezagutu eta bizitzea izan zela helburuetako bat (ikastetxeko urteko plana eta urteko memoriarekin lotura duela esango nuke). Behin baserri inguruan egonda, animaliei eman beharreko tratu egokia zein den ikasi genuen, hau da animaliak ezagutu, zaindu eta maitatzen ere erakutsi ziguten.

Nekazaritza inguruan, animaliez gain, landare eta ortuak ere aurki ditzakegu. Jakina da barazkiak baratzeetan landatzen direla baina, norberak egitearen esperientzia desberdina da, beronen zaintzara ere bultzatu gintuztelako. Ura bota, intsektuek landareak ez jateko pestizidak erabiltzen direla ikusi….

Bost urte bakarrik genituela kontutan hartuta, norbere etxean bezala dena gure inguruan zentratzetik, ikasle bat gehiago izatera pasatu ginen, horrela, kontutan hartuz nagusi baten arduran  hainbat haur ginela, gure artean elkarri lagundu eta harremanak estutzeko aukera ezin hobea izan zen. Honek, ordutegi desberdinak izatera, etxetik kanpoko janaria jaten ikastera, lo egiterako orduan errespetua izatera… bultzatu gintuzten. (AJA-ren barruan dago izan ere lege eta arauak bertakoek ezarritakoaren eta gure irakasleen araberakoak izan ziren)

Gu ingurune euskaldunetik joan ginenez eta euskaraz hitz egiten genuenez ez genuen igarri euskararen bultzakada baina, gurekin joan ziren haurrek, euskararen erabilera murriztua zuten eta bertako monitoreak beti saiatzen ziren bultzakada ematen. (Hau ikastetxeko curriculum proiektuaren barruan dago izan ere, euskararen erabilera ezinbestekoa da.)